ALAT KIGOMA YAKOSHWA NA UJENZI WA MIRADI KWA MAPATO YA NDANI KIGOMA/UJIJI . Local Authorithy

Posted on: May 20th, 2023

Na Mwandishi Wetu

Wajumbe wa Kamati ya  Jumuiya ya Tawala za Mitaa (ALAT) Mkoa wa Kigoma wameipongeza Halmashauri ya Manispaa ya Kigoma/Ujiji kwa namna inavyotekeleza miradi ya Maendeleo kwa kutumia mapato ya Ndani

Pongezi hizo zilitolewa Jana May 19, 2023 na Wajumbe wa Kamati hiyo wakiongozwa na Mwenyekiti wa ALAT Mkoa wa Kigoma Mhe. Jackson Mateso (Mwenyekiti Halmashauri ya Uvinza)  wakati walipotembelea ofisi ya Kata ya Katubuka iliyokamilika

Ofisi ya Kata ya Katubuka imejengwa  kwa mapato ya ndani kwa gharama ya kiasi cha Millioni sitini na nne (Tsh 64,000,000/=)  ikiwemo ghaŕama ya Ujenzi jengo pamoja na thamani za ofisi

 Aidha wajumbe hao walitembelea Ujenzi wa Hospitali ya Manispaa ya Kigoma/Ujiji  inayoendelea kata ya Kagera ambapo tayari Serikali imeleta fedha za awali kiasi cha fedha Million mia tano (Tsh 500,000,000/=) na hadi sasa ikiwa katika hatua ya Ujenzi wa boma  

Mradi mwingine waliotembelea ni pamoja na Ujenzi wa Vyumba vya Madarasa saba (07) uliokamilika  Shule ya Sekondari Buhanda kwa gharama ya Tsh 140,000,000/= fedha kutoka Serikali kuu

Awali Mkurugenzi wa Manispaa ya Kigoma/Ujiji Ndugu. Athuman Msabila akitoa  taarifa alisema Manispaa ya Kigoma/Ujiji inaendelea kutekeleza Ujenzi wa Ofisi za Kata tano (05) kwa kutumia mapato ya Ndani, Ujenzi wa Zahanati ya Machinjioni pamoja na Uzalishaji wa Miche ya Michikichi ya Kisasa na kuigawa kwa wakulima bure