CCM YARIDHISHWA NA UTEKELEZAJI WA ILANI MANISPAA YA KIGOMA UJIJI political party

Posted on: July 17th, 2024

Na Mwandishi Wetu

Kamati ya siasa ya Chama Cha Mapinduzi (CCM) Wilaya ya Kigoma imetoa pongezi kwa namna utekelezaji wa ilani wa Chama hicho  unavyofanyika kupitia miradi ya maendeleo na utoaji wa huduma kwa Wananchi Manispaa ya Kigoma /Ujiji .  

Pongezi hizo zimetolewa na Mwenyekiti wa Chama hicho Wilaya ya Kigoma Ndugu. Ahmed Mwilima  mara baada ya kamati ya siasa kukamilisha ziara ya kutembelea miradi ya maendeleo Leo July 17, 2024.

Kamati hiyo imefanya ziara ya Kukagua Ujenzi wa daraja la Mto Luiche linalojengwa kupitia mradi wa TACTICS,  Ukaguzi wa Ujenzi wa Bweni la  Shule ya Sekondari Kasingirima kwa maandalizi ya mapokezi ya  Wanafunzi wa kidato cha tano,  Ujenzi wa barabara ya Mnazi mmoja yenye urefu wa Mita 500 kwa kiwango cha Zege kwa gharama ya ya fedha za Kitanzania Million Mia Sita thelathini na tisa (Tsh 639, 000, 000/=).

Miradi mingine iliyotembelewa ni pamoja na kituo cha afya cha Buhanda kinachoendelea kutoa huduma kilichojengwa kwa  gharama ya fedha za Kitanzania Million Mia tano hamsini (Tsh 550, 000, 000/=), Ukaguzi wa Bandari ya Kibirizi, Ukarabati wa MV Liemba unaoendelea kwa gharama ya fedha za Kitanzania Billioni thelathini na mbili (Tsh Billion 32/=), Ukarabati wa meli ya mafuta MV Sangara unaoendelea kwa gharama ya  fedha za Kitanzania Billion nane (Tsh Billion 8/=) ukiwa umefikia asilimia tisini na Sita (96%) kukamilika,  ukaguzi wa mradi wa maji Kalalangabo,  na ukaguzi wa mradi wa kuzalisha umeme Kigoma mjini.

Zaidi bofya www.kigomaujijimc.go.tz