CHATANDA AKAGUA MIRADI YA MAENDELEO MANISPAA YA KIGOMA UJIJI. Political party

Posted on: July 19th, 2024

Na Mwandishi Wetu

Mwenyekiti wa Umoja wa Wanawake wa Chama cha Mapinduzi Taifa (UWT) Bi. Mary Chatanda Leo July 19, 2024  amefanya ziara katika miradi ya maendeleo Manispaa ya Kigoma/Ujiji.

Kiongozi huyo amekagua Hospitali ya Manispaa inayoendelea kutoa huduma za Matibabu kwa Wagonjwa wa nje ambapo Serikali ya Awamu ya Sita ilitoa fedha za Kitanzania Billion Moja na Million Mia tatu  (Tsh 1, 300, 000, 000/=) kwa ajili ya Ujenzi waJengo la Wagonjwa wa nje (OPD), Maabara, Jengo la Wazazi (Maternity Complex), Jengo la mionzi, na jengo la stoo ya dawa.

Aidha kiongozi huyo amefanya ziara katika kituo cha afya cha Buhanda kinachoendelea kutoa huduma kilichojengwa kwa  gharama ya fedha za Kitanzania Million Mia tano hamsini (Tsh 550, 000, 000/=), Ukaguzi wa Shule ya Sekondari Kigoma Ujiji inayoendelea kujengwa na Ujenzi wa barabara ya Bangwe -Burega-Ujiji yenye urefu wa Km 7.01 kupitia mradi wa TACTICS.

Kiongozi huyo ameipongeza Serikali ya Awamu ya Sita chini ya Rais Dr. Samia Suluhu Hassani kwa namna ambavyo imeendelea kutoa fedha za miradi ya Maendeleo kwa Wananchi na Wakazi wa Manispaa ya Kigoma/Ujiji.

Zaidi bofya www.kigomaujijimc.go.tz