"FANYENI KAZI KWA UADILIFU" MKURUGENZI KIGOMA UJIJI Health

Posted on: August 21st, 2024

Na Mwandishi Wetu

Mkurugenzi wa Manispaa ya Kigoma/Ujiji Ndugu. Kisena Mabuba amewataka Wahudumu wa afya katika kituo cha afya cha Ujiji kufanya kazi kwa uadilifu kwa kuzingatia misingi na maadili ya kazi.  

Ameyasema hayo Leo August 21, 2024 alipofanya ziara katika kituo hicho na kufanya kikao na Wahudumu wa afya kwa lengo la kuwasimamia na kuwakumbusha Wajibu walio nao kwa jamii.    

Amesema katika kituo hicho kumekuwa na malalamiko ya baadhi ya Wananchi kwa namna  Wahudumu wa afya wanavyotekeleza majukumu yao huku akiwataka kubadilika katika utendaji na  kuahidi kuchukua hatua za kinadhamu kwa ambao hawatabadilika.

Aidha amewataka kufanya kazi kwa weredi, kutumia lugha safi, kutumia mifumo ya kielekroniki katika matibabu na malipo ambapo pia alihitimisha kwa  kukagua miundombinu  ya kituo ikiwa ni pamoja na kuwajulia hali baadhi ya Wagonjwa Waliokuwa wakiendelea na matibabu.

Zaidi bofya www.kigomaujijimc.go.tz