KDC YASHANGILIA SARE DHIDI YA TIMU YA KUMC football

Posted on: April 25th, 2023

Na Mwandishi Wetu

Timu ya mpira wa Miguu ya Watumishi Manispaa ya Kigoma/Ujiji (Kumc) imetoshana nguvu na timu ya Watumishi wa Halmashauri ya Wilaya ya Kigoma (Kdc) kwa timu zote kuibuka kwa sare ya bao 3-3

Mechi hiyo imechezwa katika uwanja wa Mwanga Community  Centre ikiwa ni katika maadhimisho ya Sherehe ya Miaka 59 ya Muungano wa Tanganyika na Zanzibar ambapo kilele chake kinatarajiwa kuwa siku ya Kesho April 26, 2023

Timu ya Watumishi wa Halmashauri ya Wilaya ya Kigoma imepambana  kwa kutoa sare kutokana na mchezo wa mwisho baina ya timu hizo mbili Manispaa ya Kigoma/Ujiji iliibuka kwa ushindi wa bao 3-0  

Maadhimisho ya Mwaka huu yanaadhimishwa katika ngazi ya Mikoa na Wilaya kwa kushiriki shughuli za kijamii , uzinduzi wa miradi ya maendeleo, mashindano ya michezo na sanaa  na kauli mbiu ya Mwaka huu ni "Umoja na mshikamano ndio nguzo ya kukuza uchumi wetu"  

Tanganyika na Zanzibar iliungana April 26, 1964 na kuitwa Jamhuri ya Muungano wa Tanzania