MKANDARASI AKABIDHIWA ENEO LA UJENZI SOKO LA KISASA LA MWANGA NA KATONGA, ASISITIZWA SUALA LA AJIRA KWA WAZAWA Construction

Posted on: November 20th, 2024

Na Mwandishi Wetu

Halmashauri ya Manispaa ya Kigoma/Ujiji Leo Novemba 20, 2024  imekabidhi  eneo la Ujenzi wa Soko Kisasa la Mwanga na Mwalo wa Katonga kwa uongozi wa Kampuni ya ujenzi ya ASABHI CONTRACTOR LIMITED kwa kushirikiana na PIONEER BUILDERS LIMITED.

PXL_20241120_051357859.jpg

Makabidhiano yamefanyika na timu ya Menejimenti ya Wakuu  wa idara na vitengo wa Manispaa  wakiongozwa na Mkurugenzi Ndugu. Kisena Mabuba kwa kuonesha mipaka na ramani ya eneo la ujenzi.

Mkurugenzi huyo amesisitiza Mkandarasi mjenzi kuhakikisha anatoa ajira  kwa Wakazi na Wazawa wa Manispaa  huku akizingatia usalama wa wafanyakazi na Wananchi kwa kuweka alama za usalama ikiwa ni pamoja na udhibiti wa taka.

Halmashauri ya Manispaa ya Kigoma/ Ujiji ilisaini Mkataba wa  ujenzi wa Soko Kisasa la  Mwanga na Mwalo wa Katonga na Kampuni ya ujenzi Novemba 02, Mwaka huu kwa gharama ya fedha za Kitanzania zaidi ya Billioni kumi na Sita (Tsh 16, 495, 359, 710. 275/=).

Miradi hii inatekelezwa  kwa mda wa miezi kumi na mbili (12) kuanzia  Novemba 15, 2024 hadi Novemba 14, 2025 ambapo utakuwa umekamilika.

Zaidi bofya www.kigomaujijimc.go.tz