MKURUGENZI KIGOMA/UJIJI AENDELEA NA ZIARA YA KUKAGUA MAENDELEO YA KITAALUMA NA MIUNDOMBINU SHULENI. Director

Posted on: November 28th, 2023

Na Mwandishi Wetu

Mkurugenzi wa Manispaa ya kigoma/Ujiji Bi. Mwantum Mgonja Leo Novemba 28, 2023 ameendelea na ziara  ya kutembelea Shule za Msingi na Sekondari kwa kukagua miundombinu pamoja na kufanya vikao vya Kitaaluma pamoja na  Walimu.

Mkurugenzi huyo amefanya ziara hiyo ikiwa ni mwendelezo wa ziara zake za Kutembelea Shule, Vituo afya na Zahanati na kufanya vikao na Watumishi.

Katika Ziara hiyo Mkurugenzi amefanya vikao na kufanya mazungumzo na Walimu ambapo amesisitiza suala la ufundishaji na ujifunzaji wenye tija pamoja na kuzingatia maadili ya kazi.

Mkurugenzi huyo amefanya ziara katika Shule ya Msingi Kipampa ambapo amekagua miundombinu ya Vyoo, Shule ya Msingi Azimio ambapo amekagua ujenzi wa Vyumba vya Madarasa viwili (02) kwa gharama ya Tsh 52, 000, 000/= na Ujenzi wa vyumba vya Madarasa na matundu ya vyoo Shule ya Msingi Airport kwa gharama ya Tsh 63, 000, 000/= fedha kutoka Serikali Kuu.

Aidha Mkurugenzi huyo ametembelea Ujenzi wa vyumba vya madarasa viwili ( 02) vinavyoendelea kujengwa Shule ya Sekondari Buronge kwa gharama ya Tsh 52, 000, 000/= na Kutembelea Mashine ya Kisasa ya X-ray iliyopo Hospitali ya Babtisti.

Zaidi bofya www.kigomaujijimc.go.tz