MKURUGENZI MWANTUM AFANYA ĶIKAO CHA WALIMU, WAZAZI NA WANAFUNZI BUHANDA SEKONDARI. Education Meeting

Posted on: November 7th, 2023

Na Mwandishi Wetu

Mkurugenzi wa Manispaa ya Kigoma/Ujiji Bi. Mwantum Mgonja Leo Novemba 07, 2023 amefanya kikao cha Kitaaluma pamoja na Walimu, Wazazi na Wanafunzi wa kidato cha tatu Shule ya Sekondari Buhanda ambapo amesisitiza suala la uwajibikaji kwa kila mmoja.

Kikao hicho kimehudhuriwa na Diwani wa Kata ya Buhanda Mhe. Gilbert Kilahumba ambapo Mkurugenzi  amewataka Walimu  ķufanya ufundishaji wenye tija ikiwemo ufaulu kutokana na Shule hiyo kuwa na Matokeo mabaya ya ufaulu kwa kipindi cha miaka mitatu kwa Matokeo ya kidato cha nne.

Aidha Kiongozi huyo amewataka Wazazi kushirikiana na Walimu kusimamia ujifunzaji wa Wanafunzi ikiwa ni pamoja na kusimamia maadili na kuepuka vitendo vya ukatili  kwa Walimu na Wanafunzi.

Pia, Mkurugenzi huyo amefanya ziara Shule ya Sekondari Katubuka ambapo amekutana na Uongozi wa Shule pamoja na baadhi ya Wanafunzi.

Zaidi bofya www.kigomaujijimc.go.tz