MKURUGENZI MWATUM MGONJA ASHIRIKI UZINDUZI WA VIPINDI MAIN FM KIGOMA Local radio

Posted on: July 10th, 2023

Na Mwandishi Wetu

Mkurugenzi wa Halmashauri ya Manispaa ya Kigoma Ujiji Bi. Mwantum Mgonja Leo July 10, 2023 ameshiriki uzinduzi wa kuanza kwa vipindi katika radio ya Main FM 91. 7 iliyopo Kata ya Mwanga Kusini

Mkurugenzi huyo ameshiriki uzinduzi huo huku akieleza mafanikio ya Serikali ya Awamu ya Sita kwa miradi iliyotekelezwa na inayoendelea kutelezwa Manispaa ya Kigoma/Ujiji  kupitia mapato ya ndani pamoja na fedha kutoka Serikali Kuu

Amesema kwa Sasa Halmashauri hiyo inatekeleza ujenzi wa Shule Mpya na madarasa kupitia mradi wa BOOST kwa gharama ya zaidi ya Billion moja (Tsh   1, 467, 200, 000/=), Ujenzi wa Hospitali ya Manispaa unaoendelea Kata ya Kagera, Ujenzi wa ofisi za Kata Mwanga Kusini,  Majengo na Buhanda, Ujenzi wa ofisi za Kata Katubuka ukiwa umekamilika, na ujenzi wa Zahanati ya Machinjioni kupitia mapato ya ndani

Aidha ameipongeza kampuni ya Mainstream Media Limited kwa uwekezaji mkubwa uliofanywa katika Manispaa ya Kigoma/Ujij kwa kuanzisha kituo che redio  ambacho kitakuwa chombo kitakachotumika kupaza sauti za Wananchi pamoja na kutangaza shughuli za kimaendeleo zinazotekelezwa na Serikali