PIKIPIKI 132 KUGAWIWA KWA MAAFISA KILIMO WA MKOA WA KIGOMA . Agricultùre sector

Posted on: February 24th, 2023

Na Mwandishi Wetu

Mkuu wa Mkoa wa Kigoma Mhe. Thobias Adengenye leo February 24, 2023 amekabidhi  Pikipiki 132  kwa Wakurugenzi wa Halmashauri nane (08) za mkoa huo kwa lengo la kugawiwa maafisa ugani wa kilimo ili kusogeza huduma karibu kwa Wakulima  

Mkuu huyo wa Mkoa amekabidhi pikipiki hizo zilizotolewa na Serikali Kuu huku akiwataka Wakurugenzi wa Halmashauri hizo kuwasimamia maafisa ugani kwa kuhakikisha pikipiki hizo zinafanya kazi iliyokusudiwa kwa kuwafikia Wakulima na kutoa taarifa za utendaji kazi wao

Amewataka  Maafisa ugani  kupitia pikipiki hizo waweze kufikia Vikundi vya wakulima na Mkulima mmoja mmoja kwa wakati kwa lengo  la  kuongeza tija na uwekezaji kwenye kilimo

Aidha ameendelea kuwataka kutoa huduma za ushauri na matibabu kwa mazao, Kuongeza pato la Mkulima, Usalama wa Lishe, na Matumizi Sahihi ya Mbolea  

Makabidhiano hayo  yamehudhuriwa na Wakuu wa idara na Vitengo kutoka Sekeretarieti ya Mkoa wakiongozwa na Katibu Tawala, Viongozi wa Vyama vya siasa, Wakuu wa Wilaya,  Mbunge wa Jimbo la Kigoma Mjini,  Meya na Wenyeviti wa Halmashauri, Wakurugenzi wa Halmashauri,  pamoja na Maafisa kilimo wa Halmashauri

Katika Mgao huo Manispaa ya Kigoma/Ujiji imekabidhiwa pikipiki 13, na zingine zikikabidhiwa katika Halmashauri zingine saba(07) Za Mkoa wa Kigoma