"RC KIGOMA KUFANYA ZIARA NA MIKUTANO KATA ZA MANISPAA YA KIGOMA/UJIJI" DC KIGOMA Distric commisioner

Posted on: November 1st, 2023

Na Mwandishi Wetu

Mkuu wa Mkoa wa Kigoma anatarajia kufanya ziara ya kukagua miradi ya maendeleo katika Kata 19 za Manispaa ya Kigoma/Ujiji  sambamba na kufanya mikutano ya hadhara na Wananchi kwa Mwezi huu wa Novemba.

Hayo yamesemwa Jana Oktoba 31, 2023 na Mkuu wa Wilaya ya Kigoma Ndugu. Salum Hamis Kali wakati akihutubia Mkutano wa Baraza la Madiwani la Manispaa ya Kigoma/Ujiji lililofanyikia katika Ukumbi wa Manispaa hiyo.

Aidha Mkuu huyo wa Wilaya aliwataka Waheshimiwa Madiwani na Wataalamu kuendelea kuwahudumia Wananchi Kikamilifu na  kusimamia miradi ya Maendeleo inayotekelezwa kwa fedha kutoka Serikali Kuu na Mapato ya ndani.