SHEREHE YA MIAKA 46 YA CCM, VIONGOZI WAZINDUA UJENZI WA ZAHANATI KITONGONI Party

Posted on: January 29th, 2023

Na Mwandishi Wetu

Viongozi wa Chama cha Mapinduzi (CCM) Mkoani Kigoma wamezindua  ujenzi wa Zahanati ya Kata ya Kitongoni iliyopo Manispaa ya Kigoma/Ujiji

Uzinduzi huo umefanyika Leo January 29, 2023 wakati wa  kusherehekea  Miaka 46 tangu kuanzishwa kwa Chama hicho  ambapo Kimkoa maadhimisho hayo yamefanyikia katika viwanja vya Shule ya Sekondari Kitongoni iliyopo Manispaa ya Kigoma/Ujiji  

Akizungumza wakati wa uzinduzi huo na akikabidhi Mifuko ya simenti ishirini (20) Katibu wa Chama cha Mapinduzi Mkoani Kigoma Ndugu. Mobutu Malima amesema Chama hicho kimejipambanua kuendelea kusogeza huduma za Kijamii kwa Wananchi

Amesema kuanza kujengwa kwa Zahanati hiyo kutasaidia Wananchi wa Kata ya Kitongoni na Kata jirani kupata huduma ya matabibu karibu na kuepuka gharama za kwenda katika vituo vya afya vingine vilivyopo Kata zingine

Naye Mwenyekiti wa Chama cha Mapinduzi (CCM) Wilaya ya Kigoma Ndugu. Ahmed Mwilima amesema katika kuunga jitihada za Serikali kusogeza huduma za afya karibu na Wananchi amekabidhi mifuko ya simenti kumi (10)  kwa niaba ya uongozi wa chama hicho ngazi ya  Wilaya

Naye Diwani wa Kata ya Kitongoni Mhe. Himid Omari amewashukuru Viongozi wa Chama Cha Mapiñduzi (CCM)  Mkoani Kigoma kwa kufanya maadhisho ya Chama hicho katika Kata hiyo

Amepongeza  viongozi hao kwa kuendesha changizo katika sherehe hizo na kupata zaidi ya mifuko ya simenti 46 huku akisema tayari Ofisi ya Mkurugenzi wa Manispaa ya Kigoma/Ujiji imetoa fedha za awali kiasi cha  Tsh 15, 000, 000/= kutoka Mapato ya ndani ili kuanza ujenzi wa jengo hilo

Jengo hilo linatarajia kukamilika kwa kiasi cha Tsh 130, 000, 000/= ili kuanza kutoa huduma kwa Wananchi