SHEREHE ZA MUUNGANO WA TANGANYIKA NA ZANZIBAR ZAENDELEA KIGOMA. Union

Posted on: April 23rd, 2024

Na Mwandishi Wetu

Wilaya ya Kigoma inaendelea na maadhimisho ya Sherehe ya miaka Sitini (60) ya Muungano wa Tanganyika na Zanzibar kwa Viongozi na Wananchi kushiriki shughuli mbalimbali za Kijamii.  .

Jana April 22, 2024  Mkuu wa Wilaya ya Kigoma Ndugu. Salum Kalli aliwaongoza Wananchi kufanya Usafi katika Hospitali ya Babtisti iliyopo Manispaa ya Kigoma/Ujiji na upandaji wa Miti Shule ya Sekondari Msimba iliyopo Halmashauri ya Wilaya ya Kigoma.

Mara baada ya kushiriki zoezi hilo Mkuu wa Wilaya huyo aliwataka Wananchi kuendelea kuimarisha Amani, Utulivu na Mshikamano ili kuendelea kudumisha Muungano.

Tanganyika na Zanzibar iliungana April 26, 1964 na kuitwa Jamhuri ya Muungano wa Tanzania, Kauli mbiu ya Mwaka huu ni "Miaka 60 ya Jamhuri ya Muungano wa Tanzania,  Tumeshikamana na Tumeimarika, Kwa Maendeleo ya Taifa Letu".

Bofya www.kigomaujijimc.go.tz