"SIKILIZENI SERA ZA WAGOMBEA, MAANDALIZI YA UCHAGUZI YAPO TAYARI " MABUBA Election

Posted on: November 21st, 2024

Na Mwandishi Wetu

Msimamizi wa Uchaguzi wa Serikali za Mitaa Manispaa ya Kigoma/Ujiji Ndugu. Kisena Mabuba amewataka Wananchi kujitokeza kwenye Kampeni zinazoendelea kusikiliza Sera za Wagombea wa vyama vya Siasa ili kuchagua Viongozi Sahihi.

Ameyasema hayo Leo Novemba 21, 2024 alipokuwa katika kipindi cha #Goodmorning Kigoma kinachorushwa na Radio Joy.

Amesema tayari Kampeni zimeanza tangu Jana  Novemba 20, na zitafanyika kwa mda wa Siku Saba (07) ambapo zitahitimishwa Novemba 26.

Amehitimisha kwa kusema,  Maandalizi ya Uchaguzi tayari yamekamilika huku akiwataka Wananchi kujitokeza kwa wingi kuwachagua Viongozi katika nafasi ya Mwenyekiti na Wajumbe Siku ya Jumatano Novemba 27, 2024.  

Kauli mbiu "Serikali za Mitaa, Sauti ya Wananchi, Jitokeze Kushiriki Uchaguzi".

Zaidi bofya www.kigomaujijimc.go.tz