WASIMAMIZI WA VITUO VYA KUPIGIA KURA WAAPA KUFANYA KAZI KWA UADILIFU. Election

Posted on: November 24th, 2024

Na Mwandishi Wetu

Wasimamizi na wasimamizi wasaidizi wa vituo vya kupigia kura katika Uchaguzi wa Serikali za Mitaa Manispaa ya Kigoma/Ujiji wameapa kiapo cha uaminifu na kutunza Siri, Kiapo cha utii na uadilifu  katika Uchaguzi utakaofanyika Novemba 27 Mwaka huu.

Viapo hivyo vimefanyika katika ukumbi wa Shule ya Sekondari Buronge Leo Novemba 24, 2024 huku Wasimamizi  na Wasimamizi wasaidizi  wakipata mafunzo  namna ya utekelezaji wa Majukumu yao kikamilifu.

Aidha katika mafunzo hayo wametakiwa kuwa Waadilifu na  na kuepuka vitendo vyenye nia ovu vitakavyosababisha  vishawishi   wakati wa zoezi la Uchaguzi ikiwemo utoaji na upokeaji rushwa.

Uchaguzi wa Serikali za Mitaa unatarajia kufanyika Siku ya Jumatano Novemba 27, Mwaka huu ambapo vituo vitafunguliwa kuanzia Saa 2:00 Asubuhi na kufungwa Saa 10:00 Jioni

Kauli mbiu ni " Uchaguzi wa Serikali za Mitaa, Sauti ya Wananchi, Jitokeze Kushiriki Uchaguzi".

Zaidi bofya www.kigomaujijimc.go.tz