ZIARA YA RAIS SAMIA MKOANI KIGOMA INAVYOENDELEA KUGUSA MAKUNDI YA WATU WENYE MAHITAJI MAALUMU Presdential

Posted on: November 2nd, 2022

Na Mwandishi Wetu

Rais wa Jamhuri Muungano wa Tanzania Mhe. Samia Suluhu Hassani Oktoba 16-19, 2022 alifanya ziara ya kikazi Mkoani Kigoma ambapo alikagua, kuzindua na kuweka mawe ya msingi katika miradi ya maendeleo inayotekelezwa Mkoani humo    

katika ziara hiyo Rais Alitoa zawadi mbalimbali kwa makundi ya watu wenye Mahitaji maalumu wakiwemo Watoto wanaoishi katika Mazingira magumu,  Wazee, Walemavu na watu wenye mtindio na matatizo  ya Afya ya akili

Mapema Leo Novemba 2, 2022 Mkuu wa Wilaya ya Kigoma Bi. Ester Alexander Mahawe amefanya ziara kwa vituo sita (06) vya Watu wenye mahataji maalumu kwa lengo kukabidhi zawadi hizo kwa niaba ya Mkuu wa Mkoa wa Kigoma Mhe. Thobias Adengenye  

Mkuu huyo wa Wilaya  amekabidhi zawadi katika  Kituo cha kulelea Watoto Matiazo-Betheli kilichopo halmashauri ya Wilaya ya Kigoma, Kituo cha Juvile chenyè zaidi ya Watoto yatima Mia tatu (300), Kituo cha Mwocachi ,

Maeneo mengine yaliyotolewa zawadi hizo ni pamoja na Kituo cha kulelea Wazee Kilichopo kibirizi chenye  zaidi ya Wazee ishirini na nne (24),  Kituo cha Sanganigwa A  chenye zaidi ya Watoto hamsini (50)  kikiwa tayari kimehudumia zaidi ya Watoto elfu moja Mia tatu (1300)  na Kituo cha Bangwe Shelter kinachowatunza na kuwahudumia Watu wenye mtindio wa ubongo na afya ya akili  

Aidha katika ziara hiyo zawadi zilizotolewa ni pamoja na Vyakula kama vile, Mchele, mafuta ya kupikia, na Sukari, Vyombo vya ndani, Vifaa vya Shule kwa Wanafunzi, na Vifaa vya Usafi