OFISI YA MKURUGENZI KIGOMA/UJIJI YAKUTANA NA VIONGOZI WA VYOMBO VYA HABARI KUELEKEA MBIO ZA MWENGE WA UHURU 2025. National touch

Posted on: August 29th, 2025

• Na Mwandishi Wetu

Ofisi ya Mkurugenzi wa Manispaa ya Kigoma/Ujiji Leo August 29, 2025 imekutana na kufanya kikao na Viongozi wa vyombo vya habari vya vilivyopo katika Manispaa hiyo  ikiwa ni Maandalizi ya mbio za Mwenge wa Uhuru Mwaka 2025.

Kikao hicho kimeongozwa na Mwenyekiti wa Kamati ya hamasa ya Mwenge wa Uhuru 2025  ambaye ni Afisa elimu wa Awali na Msingi Ndugu. Richard Mtauka kwa niaba ya Mkurugenzi wa Manispaa.

Katika kikao hicho Mwenyekiti huyo amewashirikisha Wadau hao katika kufanya hamasa na ushiriki wa Wananchi kuelekea mbio za Mwenge wa Uhuru zitakazokimbizwa Manispaa ya Kigoma/Ujiji Septemba 21, Mwaka huu.

Viongozi waliohudhuria kikao hicho ni kutoka Radio joy, Main FM, Cicora radio, Shakina FM pamoja na Hidaya FM.

Kauli Mbiu ya Mwenge wa Uhuru Mwaka huu ni "Jitokeze Kushiriki Uchaguzi Mkuu 2025 kwa Amani na Utulivu".

Zaidi bofya www.kigomaujijimc.go.tz