VIONGOZI WA ELIMU WAJADILI MBINU ZA UFUNDISHAJI WANAFUNZI WENYE MAHITAJI MAALUMU. Special education

Posted on: June 24th, 2025

Na Mwandishi Wetu

Ubainishaji wa Wanafunzi wenye mahitaji maalumu unalenga kuboresha mbinu za Ufundishaji na Ujifunzaji  kwa Wanafunzi na Walimu.

Hayo yamebainishwa katika mafunzo yaliyofanyika Leo June 24, 2025 Shule ya Msingi Airport iliyopo Manispaa ya Kigoma/Ujiji yakitolewa na Timu ya ubainishaji wa Wanafunzi wenye mahitaji maalumu ngazi ya Halmashauri chini ya Mradi wa Shule bora  unafadhiliwa na Serikali ya Uingereza Kupitia Mfuko wa UK aid.

Mwezeshaji wa Mafunzo hayo ambaye pia ni Afisa elimu Kata, Kata ya Kagera Ndugu. Salvatory Meshack amesema mafunzo hayo yanalenga kuboresha mbinu za Ufundishaji na  Mwanafunzi kuhudumiwa kwa kuzingatia mahitaji aliyonayo.

Amesema mafunzo hayo yanawajengea uwezo Walimu katika kuleta usawa katika kujifunza, kuepuka unyanyapaa na ukatili kutokana na hali ya Mwanafunzi kama vile Yatima, Viziwi, Albino, ulemavu wa viungo, Usonji, wenye Vipawa na vipaji.

Mafunzo hayo yametolewa kwa Maafisa elimu Kata na Walimu Wakuu wa Shule za Awali na Msingi katika Kata ya Katubuka, Buhanda na Businde.

Zaidi bofya www.kigomaujijimc.go.tz #shulebora