HATUA ZA KUFUATA ILI KUKAMILISHA UPIMAJI WA ENEO/KIWANJA
HATUA ZA KUFUATA ILI KUKAMILISHA UPIMAJI WA ENEO/KIWANJA
Eneo kabla halijapimwa inabidi liwepo kwenye mchoro wa mipangomiji ulioandaliwa na afisa mipangomiji wa manispaa na pia kusajiliwa na ofisi ya mkurugenzi wa mipangomiji na vijiji wizarani. Aidha kama eneo halipo kwenye mchoro wa mipangomiji inabidi liandaliwe mchoro huo ili kuweza kupangiwa matumizi sahihi ya eneo hilo na kufaham miundo mbinu (eg. barabara) inayozunguka eneo husika
Baada ya eneo kuwepo kwenye mchoro wa mipangomiji, Mteja ataandika barua ya maombi kwa mkurugenz wa Halmashauri kuomba kupimiwa eneo lake. Aidha mteja anaweza akatumia kampuni binafsi/mpima binafsi(private surveyor) kwa ajili ya upimaji wa eneo husika
Mpima Ardhi ataomba kibali cha upimaji kutoka kwa mpima wa mkoa na pia kutoka kwa Afsa Ardhi wa halmashauri
Baada ya upimaji kukamilika Mpima Ardhi ataandaa File lenye kuonesha vibali vya upimaji kutoka ofisi ya mkuu wa mkoa na Afsa Ardhi wa halmashauri. Pia file hilo litaonesha raman yenye vipimo halisi vya eneo husika pamoja na repoti ya upimaji.
Mpima Ardhi atapeleka file hilo katika ofisi ya mpima wa mkoa kwa ajili ya kukaguliwa na baadae kupelekwa kwa mkurugenzi wa upimaji na raman Dar es Salaam kwa ajili ya kuhakikiwa. Aidha baada ya uhakiki wa file, Ramani husika ya eneo hilo husajiliwa kwa kupewa namba ya usajili (registered plan number) na pia wizara inatoa namba za viwanja vilivyopo katika ramani hiyo.
Baada ya raman kusajiwa , na viwanja katika raman hiyo kupewa namba (plot numbers), mpima Ardhi atakabidhiwa nakala ya raman hiyo kwa ajili ya kupeleka mkoani (kwa kumbukumbu) na katika halmashauri ili Afsa Ardhi aweze kuendelea na zoezi la uandaaji wa hati miliki wa viwanja hivyo kwa kutumia ramani hiyo yenye kuonesha namba ya usajili, namba za viwanja na ukubwa wa kila kiwanja. Baada ya maandalizi ya hati kukamilika na kusajiliwa na kamishna wa Ardhi wa Kanda, mteja hukabidhiwa hati yake kwa ajili ya matumizi yake binafsi (eg. Kutumia kama dhamana katika kuomba mkopo) na pia mteja anapata faida kubwa ya kumiliki kiwanja chake kisheria.
FAIDA ZA UPIMAJI
Mteja kupata hati miliki na hivyo Kumiliki eneo kisheria na kulipia kodi ya Ardhi kwa maendeleo ya nchi
Baada yaupimaji mteja hupata hati na hivyo kutumika kama dhamana katika mikopo
Upimaji hupunguza/kuondoa migogoro ya Ardhi hasa migogoro ya mipaka
Uletwaji wa miundombinu mbalimbali kama barabara, umeme, maji huwa ni rahisi
NB: Hatua hizo za upimaji hufuatwa pia kwa mteja atakaehitaji huduma ya mgawanyo wa kiwanja chake kilichokuwa kimeshapimwa (Subdivision of plot)
