CHANJO YA MINYOO NA KICHOCHO KUTOLEWA KIGOMA/UJIJI. Vaccine

Posted on: November 22nd, 2023

Na Mwandishi Wetu

Halmashauri ya Manispaa ya Kigoma/Ujiji inatarajia kuendesha zoezi la kitaifa la umezaji dawa (kinga tiba) kwa lengo la kudhibiti magonjwa ya Minyoo ya Tumbo na Kichocho kwa Watoto wenye Umri wa kwenda Shule kuanzia miaka 5 hadi miaka 14.

Yamesemwa hayo Leo Novemba 22, 2023 Katika kikao cha afya ya Msingi Wilaya (PHC) kilichofanyika katika Ukumbi wa Manispaa ya Kigoma/Ujiji kikihudhuriwa na Wadau mbalimbali.  

Akiwasilisha taarifa katika kikao hicho Mratibu wa Magonjwa yasiyo ambukizwa Bi. Stela Lukinisha amesema umezaji  wa kinga tiba utafanyika  Siku ya Ijumaa Novemba 24, 2023 katika Shule za Msingi kwa Watoto walioandikishwa Shule na wasioandikishwa.

Amesema kinga tiba itakayotumika ni Albendazole kwa minyoo tumbo na Praziquantel kwa ugonjwa wa kichocho.

Awali akifungua kikao Mkuu wa Wilaya  ya Kigoma Ndugu. Salum Kali  amewataka Wazazi na Walezi kutoa ushirikianao katika zoezi hilo na kuepukana na dhana potofu zinazoweza athiri zoezi hilo.