SHULE ZA SEKONDARI KIGOMA UJIJI ZAKABIDHIWA VIFAA VYA MICHEZO. Sports

Posted on: February 6th, 2026

Na Mwandishi Wetu

Idara ya Elimu Sekondari Manispaa ya Kigoma/Ujiji kupitia Mradi wa Wezesha Binti unaofadhiliwa na taasisi ya Enabel imekabidhi vifaa vya michezo kwa Wakuu wa Shule za Sekondari tano(05) zinazotekeleza  mradi huo.

Vifaa hivyo vimekabidhiwa Leo Februari 06, 2026 na Kaimu Mkuu wa Kitengo cha Michezo, Utamaduni na Sanaa Ndugu. Abdul Utimbe ambapo amewataka Wakuu wa Shule kutumia vifaa hivyo kuinua viwango vya michezo Shuleni.

Mratibu wa mradi wa Wezesha Binti unaofadhiliwa na taasisi ya Enabel Manispaa ya Kigoma Ujiji Bi.Neema Bugemwe amesema Shule zilizokabidhiwa vifaa hivyo ni pamoja na  Shule ya Sekondari Kitwe, Bushabani, Wakulima, Rubuga na kitongoni.

Vifaa vilivyokabidhiwa ni pamoja na Mipira, sare za michezo, Gloves, sabuni, ndoo, beseni, magoli, Kinga za mikononi (gloves), na Mahema.

Zaidi bofya www.kigomaujijimc.go.tz