DC KALI AWAAGA WATUMISHI NA WANANCHI WA WILAYA YA KIGOMA Distric Commissioner

Posted on: September 9th, 2024

Na Mwandishi Wetu

Aliyekuwa Mkuu wa Wilaya ya Kigoma na sasa Mkuu wa Wilaya ya Longido Ndugu. Hamis Kali amewaaga Watumishi wa Wilaya ya Kigoma  huku akiwataka kuendeleza ushirikiano na Viongozi katika kuwatumikia Wananchi.

Nasaha hizo amezitoa Leo Septemba 09, 2024 alipokuwa akitoa hotuba ya kuwaaga Wakuu wa idara na Vitengo wa Manispaa ya Kigoma/Ujiji na Halmashauri ya Wilaya ya Kigoma katika Ukumbi wa Manispaa.

Mkuu huyo wa Wilaya amewataka Viongozi hao kuendelea kufanya kazi kwa upendo na umoja ikiwa ni pamoja na  kusimamia maendeleo ya Wananchi kwa uaminifu ili kutimiza adhima ya Serikali ya awamu ya Sita.

Mkurugenzi wa Manispaa ya Kigoma/Ujiji Ndugu. Kisena Mabuba amempongeza Mkuu huyo wa  Wilaya kwa kuendelea kuaminiwa katika kuwahudumia Wananchi huku akimtaka kuendelea kufanya kazi kwa weredi kama ambavyo amekuwa akisimamia maendeleo ya Wananchi Wilayani Kigoma.