DC KIGOMA AENDELEA KUSISITIZA MAADILI YA KITANZANIA RUSIMBI. Distric Commissiner

Posted on: April 18th, 2023

Na Mwandishi Wetu 

Mkuu wa Wilaya ya Kigoma Salum Hamis Kali  ameendelea kutoa elimu ya Kuzingatia maadili na miiko ya  Kitanzania na kuepuka Vitendo vya ukatili  

Aliyasema hayo Jana April 17, 2023 alipokuwa akihutubia Mkutano wa hadhara na Wananchi wa Mtaa wa Taifa  Kata ya Rusimbi  ambapo pia alisikiliza Kerò za Wananchi pamoja na kuzitatua  

Mkuu huyo wa Wilaya aliwataka Wazazi kuendelea kuwaelimisha Watoto Kuzingatia maadili sahihi na kuepuka Migogoro na ukatili  ndani ya familia inayosababisha ongezeko la  watoto wa mitaani

Aidha aliwataka Wananchi kuendelea kuhamasika  kulima zao la Michikichi ya Kisasa kwa lengo la kuwa na uzalishaji mkubwa na wenye tija ili kukuza uchumi wa mtu mmoja mmoja na familia

Alisema tayari ugawaji wa kadi za vitambulisho vya Taifa (NIDA) unafanyika kwa kila Kata kwa Wataalamu kupita kugawa kwa kuhirikiana na viongozi wa eneo husika

Naye Diwani wa Kata ya Rusimbi Mhe. Bakari Songoro akiishukuru Serikali ya Awamu ya Sita kwa niaba ya Wananchi kwa Utekelezaji wa miradi  alisema Serikali imekamilisha Ujenzi wa wodi ya Wazazi  katika Zahanati ya Rusimbi kwa gharama ya Tsh 76, 765, 000/= na tayari inafanya kazi

Alisema Serikali imeboresha Ujenzi wa vyumba  vya Madarasa matatu (03) Katika Shule ya Sekondari Rusimbi kwa gharama ya Tsh 60, 000, 000/= , Uboreshaji wa maabara ya Shule kwa gharama ya Tsh 20, 000, 000/= na ujenzi wa vyumba vya madarasa Shule ya Msingi Kipampa