DC KIGOMA ASHUHUDIA UTIAJI SAINI WA MIKATABA YA LISHE BAINA YA MKURUGENZI WA MANISPAA YA KIGOMA/UJIJI NA WATENDAJI KATA. Nutrition

Posted on: November 1st, 2022

Na Mwandishi Wetu

Mkuu wa Wilaya ya Kigoma Bi. Ester Alexander Mahawe ameshuhudia utiaji saini wa  utekelezaji wa mkataba wa afua za lishe kati ya Mkurugenzi wa Manispaa ya Kigoma/ Ujiji na Watendaji kata kumi na tisa (19) wa Manispaa hiyo uliofanyika Leo Novemba 1, 2022 katika Ukumbi wa Manispaa hiyo

Mkuu huyo wa Wilaya amewataka Watendaji Kata na Mitaa kusimamia utekelezaji wa afua za lishe katika maeneo yao ili kuhakikisha kunakuwa na jamii ýenye watu wenye afya njema kutokana na ulaji wa vyakula kwa usahihi

Amewataka Watendaji Kata hao kuhakikisha wanatoa elimu kwa Wananchi namna ya utumiaji wa vyakula vinavyopatikana katika Mazingira yao  huku akiwataka kuhakikisha wanakagua ubora wa bidhaa za vyakula vinavyouzwa  katika masoko na maduka yaliyopo katika maeneo yao

Mkurugenzi wa Manispaa ya Kigoma/Ujiji Ndugu. Athumani Msabila amewataka Watendaji Kata hao kuwasilisha kila robo utekelezaji wa afua za lishe katika jamii na watoto waliopo ili kuwa na Watu wenye akili timamu na uwezo wa kufanya kazi

awali Mganga Mkuu wa Manispaa ya Kigoma/Ujiji  Dr. Hashimu Mvogogo akiwasilisha taarifa amesema Kwa mwaka wa fedha 2022/2023 robo ya kwanza (July- Septemba)   Manispaa ya Kigoma/Ujiji tayari imetoa fedha za utelezaji  wa afua za lishe kiasi cha Tsh 8, 578, 000, 000/= sawa na Tsh 1000/= iliyotengwa kwa kila mtoto

Ameendelea kusema shughuli zingine zilizotekelezwa  ni   pamoja na utambuzi na matibabu kwa watoto  ishirini na mbili (22) wenye utapiamlo kati ya  elfu kumi Mia saba sabini na tano ( 10775) waliopimwa na kupewa matibabu katika Hospitali ya Mawenì na Babtisti, Kaya 8209 kati ya kaya 8522 zilizokuwa na  wajawazito na watoto wenye umri wa miaka mitano (05) walitembelewa na kupewa elimu ya lishe

Oktoba 26, 2022 Mkuu wa Mkoa wa Kigoma CGF (Mstaafu) Thobias Adengenye aliongoza kikao cha tathimini za Utekelezaji wa Afua za lishe kwa Mkoa na kusaini  Mkataba na Wakuu wa Wilaya na Wakurugenzi wa Mkoa huo kilichofanyikia Ukumbi wa Halmashauri ya Mji wa  kasulu