DC KIGOMA ATATUA KERO ZA WAJASIRIAMALI SIDO, AUNDA UONGOZI WA MPITO , Meeting

Posted on: October 20th, 2023

Na Mwandishi Wetu

Mkuu wa Wilaya ya Kigoma Ndugu. Salum Hamis Kali  Leo Oktoba 20, 2023 amefanya kikao na Wajasiriamali na Wafanyabiashara waliopo eneo la Shirika la kuhudumia viwanda vidogo (SIDO-KIGOMA) kwa lengo la kuwasikiliza huku akitatua kero walizokuwa wakipitia.

Katika kikao hicho kilichofanyikia katika Ofisi za SIDO-KIGOMA amewataka Wajasiriamali  kuendelea kufanya kazi kwa utulivu huku akiagiza Uongozi wa taasisi hiyo kuendelea kubuni na kuboresha mazingira ya biashara katika eneo hilo.

Aidha Mkuu huyo wa  Wilaya ameunda Uongozi wa  mpito wa kusimamia uundaji wa Katiba   ya  Jumuia  mpya ya Wajasiriamali na Wafanyabiashara wa eneo hilo pamoja na kusimamia Uchaguzi wa viongozi wapya kwa kipindi cha mwezi mmoja.

Aidha Mkuu huyo wa Wilaya ameutaka uongozi wa SIDO-KIGOMA  kuendelea kuboresha miundombinu kuwa rafiki kwa  Wafanyabiashara na kuzingatia usafi wa mazingira huku akikagua Shughuli za Wajasiriamali wa eneo hilo.  

Pia, Kikao hicho kimehudhuriwa na Mkurugenzi wa Manispaa ya Kigoma/Ujiji Bi. Mwantum Mgonja, Diwani wa Mwanga Kaskazini Mhe. Sharon Mashanya  na baadhi ya Wakuu wa idara na Vitengo.

zaidi bofya www.kigomaujijimc.go.tz