DC KIGOMA AWAKUTANISHA WAKUU WA TAASISI NA WENYEVITI WA SERIKALI ZA MITAA Distric commisioner

Posted on: March 3rd, 2023

Na Mwandishi Wetu

Wenyeviti wa Serikali za Mitaa Manispaa ya Kigoma/Ujiji Jana March 2, 2023  walipokea na kujadili  taarifa kutoka Kwa Wakuu wa Taasisi za Serikali  zilizopo Katika Manispaa hiyo

Wenyeviti Walikutana katika Ukumbi wa Manispaa ya Kigoma/Ujiji Katika kikao kilichoandaliwa na Mkuu wa Wilaya ya Kigoma Ndugu. Salum Kali kwa lengo la kusikiliza na kutatua changamoto zinazowakabili Wananchi katika maeneo yao ya Utawala

Katika kikao hicho Mkuu huyo wa Wilaya aliwataka Wakuu wa Taasisi, Watendaji wa Serikali na Wenyeviti wa Serikali Mitaa kuwa na ushirikiano katika miradi inayotekelezwa   ili kuhakikisha mafanikio ya kusogeza huduma za jamii karibu na Wananchi yanafikiwa

Aidha amewataka Wenyeviti wa Serikali za Mitaa wakishirikiana na Watendaji wa Mitaa kusimamia suala la Usafi wa Mji kuanzia katika Makazi ya Watu na katika maeneo ya Umma

Mkuu huyo alisema amepanga kufanya mikutano ya hadhara na Wananchi  kwa kila Kata akiwa pamoja na Wataalamu mbalimbali wa Idara za Serikali  

Katika kikao hicho Wakuu mbalimbali wa Taasisi walitoa taarifa za Utendaji kazi ikiwemo Ofisi ya Mkurugenzi wa Manispaa ya Kigoma/Ujiji, Tanroads, Tarura, Tanesco,  Mamlaka ya Maji (KUWASA), pamoja na Bandari

Kikao hicho kimehudhuriwa na Viongozi wa Chama cha Mapinduzi Wilaya ya Kigoma,  Mbunge,  Meya,  Naibu Meya na Wakuu wa idara na Vitengo Manispaa ya Kigoma/Ujiji