WALIMU WENYE MAHITAJI MAALUMU WAKABIDHIWA VIFAA SAIDIZI KIGOMA UJIJI. Education

Posted on: January 30th, 2026

Na Mwandishi Wetu

Walimu wenye mahitaji maalumu Manispaa  ya Kigoma/Ujiji wamekabidhiwa vifaa saidizi kwa lengo kuongeza ari na kukuza ufundishaji.

Vifaa hivyo kutoka Serikali Kuu vimekabidhiwa Leo Januari 30, 2026 na Afisa Elimu Elimu Maalumu Ndugu. Shingwa  Hamis Shingwa ambapo amewataka kuvitumia katika kukuza ufaulu na ufundishaji kwa Wanafunzi.

Vifaa hivyo vimekabidhiwa kwa Walimu Tisa (09) wa Shule za Sekondari na Msingi wenye ulemavu wa uoni, usikivu na ulemavu wa viungo na kukabidhiwa vifaa  kompyuta mpakato (laptops), vifaa vya sauti (Digital Sound), Vishikwambi, Karatasi za maandishi ya nukta nundu, na vifaa vya kutembelea.

Ikumbukwe kuwa Waziri wa Elimu, Sayansi na Teknolojia, Mheshimiwa Profesa Adolf Mkenda, alizindua zoezi la ugawaji wa vifaa vya kielimu na vya saidizi kwa walimu, wakufunzi na walimu tarajali wenye ulemavu vyenye thamani ya shilingi bilioni 5.3 Nchini kote.

Zaidi bofya www.kigomaujijimc.go.tz

@professoradolfmkenda @ortamisemi