BARAZA LA MADIWANI LAPITISHA BAJETI YA BILLION 44.9 KWA MWAKA 2026/2027. Budget

Posted on: February 17th, 2026

Na Mwandishi Wetu

Baraza la Madiwani Manispaa ya Kigoma/ Ujiji  limejadili na kupitisha mpango na bajeti  kiasi cha fedha za Kitanzania zaidi ya Billion arobaini na nne (Tsh 44,944,975,400/=) kwa Mwaka wa fedha 2026/2027

Baraza hilo limefanyika Leo Februari 17, 2026 likiongozwa na Meya wa Manispaa hiyo Mhe. Mussa Maulidi na Kuhudhuriwa na Viongozi mbalimbali ikiwemo Kamati ya ulinzi na Usalama na Viongozi wa Vyama vya kisiasa.

Awali Akiwasilisha rasmu ya bajeti kwa niaba ya Mkurugenzi, Mchumi wa Manispaa hiyo Ndugu. Emmanuel Ntiboneka amesema kiasi hicho kinakisiwa kukusanywa kutoka  mapato ya ndani zaidi ya bilioni tano (Tsh 5,985,756,400/=),matumizi ya kawaida yakiwa  zaidi ya bilioni moja (Tsh 1,618,040,000/=) na fedha ya miradi Maendeleo ikiwa ni zaidi ya bilioni tisa (Tsh 9,673,767,000/=).

Amesema bajeti hiyo ina ongezeko la Mapato ya ndani zaidi ya milioni mia mbili (Tsh 223,960,400/=) sawa na asilimia moja (1%)  ukilinganisha na  bajeti ya fedha kwa mwaka 2025/2026.

Bajeti hiyo imetaja utekelezaji wa miradi ya Kimkakati yenye lengo la kuongeza Mapato ikiwa ni pamoja na ujenzi wa Shule mpya  ya English medium, na ujenzi wa maduka ya Kisasa  na uwanja wa michezo Mwanga Community centre.

Aidha vipaumbele vya Halmashauri ni kuongeza mapato ya ndani na kuboresha huduma za jamii, kuongeza na kuboresha miundombinu ya huduma za jamii, Kuongeza tija katika shughuli za uzalishaji mali, Kuongeza ufanisi katika kushughulikia masuala mtambuka na uhifadhi wa mazingira kwa maendeleo ya kizazi cha sasa na kijacho.

Zaidi bofya www.kigomaujijimc.go.tz