WASICHANA KIGOMA UJIJI WAHAMASISHWA KUPENDA MASOMO YA SAYANSI. Student

Posted on: February 16th, 2026

Na Mwandishi Wetu

Wanafunzi wa kike katika shule za sekondari zilizopo Manispaa ya Kigoma/Ujiji wamehamasishwa kupenda na kujiamini katika masomo ya sayansi ili kuweza kufikia ndoto zao.

Hamasa hiyo imefanyika Leo Februari 16, 2026 na Wataalamu wa Maendeleo ya Jamii, Jeshi la Polisi na Wataalamu wa elimu katika Shule ya Sekondari Kasingirima na Kasimbu.

Akizungumza kwa nyakati tofauti  katika uhamasishaji huo Afisa maendeleo ya jamii kutoka Ofisi ya Mkurugenzi wa Manispaa ya Kigoma/Ujiji Bi. Aida Nzowa amesema Wanafunzi wa kike wana uwezo mkubwa wa kufanya vizuri katika ujifunzaji.

Amewataka kujiamini, kuthubutu, uwajibikaji na kuchukua hatua na kuuliza kama njia ya kujifunza.

Kwa upande wake Afisa Dawati la Jinsia na Watoto Jeshi la Polisi Sanjenti Faraja Mkuya amewataka Wanafunzi hao kujiepusha na vitendo vya ngono ili kufikia malengo waliyokusudia.

Mkuu wa Shule ya Sekondari Kasingirima Ndugu.  Venance Pastory Ndegea  amewasisitiza Wanafunzi hao kuyaishi na kuyafanyia kazi nasaha zilizotolewa na Wataalamu hao.

Zaidi bofya www.kigomaujijimc.go.tz