DC KIGOMA ATETA NA WALIMU WA MEMKWA, AWATAKA KUTUMIA UBUNIFU KWENYE UFUNDISHAJI. Teachers

Posted on: February 13th, 2026

Na Mwandishi Wetu

Mkuu wa Wilaya ya Kigoma amewataka Walimu wa MEMKWA kutumia mbinu za kiubunifu katika ufundishaji wa Wanafunzi wao.

Ameyasema hayo Leo Februari 13, 2026 alipowahutubia  katika mafunzo ya Siku tano (05)  yanayoendelea  kuhusu malezi,unasihi na ulinzi wa mtoto yakifanyikia Shule ya Msingi Muungano.

Mkuu huyo wa Wilaya amewataka kufundisha kwa ufanisi na weredi kutokana na mazingira yao awali ya kuacha masomo kutokana na sababu mbalimbali.

Aidha amewataka Walimu hao kujiendeleza katika taaluma zao ili kuendelea kuwanufaisha Wanafunzi na Wananchi katika maeneo yao.

Akizungumza katika Mafunzo hayo Afisa elimu Watu wazima Ndugu. Cornel Kisinga amempongeza Mkuu huyo wa Wilaya kwa nasaha alizozitoa kwa Walimu huku akiahidi kufanyia kazi katika kuinua viwango vya ufaulu kwa Wanafunzi hao.

Mafunzo hayo yanafadhiliwa na Shirika la Kimataifa la kuhudumia Watoto (UNICEF) yakilenga kuwarejesha Wanafunzi walioacha masomo kutokana na sababu mbalimbali na kuwajengea Walimu mtazamo chanya kuhusu Ulinzi wa mtoto,  kuimarisha huduma za malezi na unasihi.

Zaidi bofya www.kigomaujijimc.go.tz