"SIMAMIENI UKUSANYAJI WA MAPATO" DR CHUACHUA. District commissioner

Posted on: February 13th, 2026

Na Mwandishi Wetu

Mkuu wa wilaya ya kigoma Dr. Rashid Chuachua amewataka  Wakuu taasisi za Serikali kusimamia ukusanyaji wa mapato ya ndani ili kuendelea kutekeleza miradi ya Maendeleo.

Ameyasema hayo Leo Februari 13, 2026 katika kikao cha kamati ya ushauri ya Wilaya (DCC) cha  kujadili rasimu ya mpango na bajeti kwa Mwaka wa fedha 2026/2027 katika ukumbi wa Kigoma Social Hall.

Akiwasilisha makisio ya bajeti ya Manispaa ya Kigoma/Ujiji kwa niaba ya Mkurugenzi, Mkuu wa Idara ya Mipango na Uratibu Ndugu. Julius Ndele amesema  kwa Mwaka wa fedha 2026/2027 Halmashauri  imepanga  kukusanya   kiasi cha zaidi ya billion arobaini na nne (Tsh 44,944,875,400/=).

Amesema kiasi hicho kinakisiwa kukusanywa Mapato ya ndani yakiwa zaidi ya  billion tano ( Tsh 5,985,756,400/=), Matumizi ya kawaida yakiwa zaidi ya billioni moja (1,618,040,000/=),  mishahara ikiwa ni zaidi ya bilioni ishirini na Saba ( 27,667,312,000/=) na fedha ya  miradi ya Maendeleo kutoka Serikali Kuu ikiwa ni zaidi ya billioni tisa ( Tsh 9,673,767,000/=) kwa ongeko la zaidi ya Millioni Mia mbili ( Tsh 223,960,400/=)   Sawa na Asilimia moja (1%) ukilinganisha na makisio ya bajeti kwa Mwaka 2025/2026.

Zaidi bofya www.kigomaujijimc.go.tz