ZAIDI YA WANANCHI 2300 KIGOMA UJIJI WAMEENDELEA KUNUFAIKA NA UJENZI WA SOKO LA MWANGA. Market Construction

Posted on: February 17th, 2026

Ujenzi wa Soko la Mwanga Kisasa unaendelea kutekelezwa chini ya Mradi wa kuboresha Miji na Majiji kiushindani Nchini Tanzania (TACTICS) ukifadhiliwa na benki ya Dunia.

Tangu kuanza kwa ujenzi, Mradi  umetoa ajira wakiwemo Wataalamu, Mafundi sanifu na Wasaidizi (vibarua) zaidi ya Elfu mbili Mia tatu (2300), wenyeji wa Manispaa ya Kigoma/Ujiji wakipewa kipaumbele.

Katika utekelezaji wa mradi Jamii imekuwa ikishirikishwa, na Wanaume zaidi ya Elfu moja mia sita (1,652) na Wanawake zaidi ya Mia Sita (648) wameendelea kunufaika na ajira mbalimbali katika Ujenzi huo.

Ujenzi wa Soko la Mwanga umeendelea kuwa na  manufaa kwa Wajasiriamali kwa kuongeza kipato kutokana na ununuzi wa malighafi ikiwemo kokoto, mawe, mchanga na kuendelea kukuza uchumi wa Wakazi wa Manispaa hiyo.

Wanufaika Wengine ni pamoja na Wajasiriamali wa Chakula (Mama na Baba Lishe), Maafisa usafirishaji (Bodaboda) Wauzaji wa maji na wengine wengi.

Ujenzi wa mradi huu unatarajiwa kukamilika April 24, Mwaka huu na utaboresha miundo mbinu ya Wafanyabishara , kuvutia wawekezaji na kukuza uchumi wa Wakazi wa Manispaa ya Kigoma/Ujiji.