DC KIGOMA NA MAANDALIZI YA MWENGE WA UHURU UJIJI. National touch

Posted on: October 3rd, 2025

Na Mwandishi Wetu

Mkuu wa Wilaya ya Kigoma Dr. Rashid Chuachua  Leo Septemba 03, 2025 amefanya ziara ya kukagua miradi inayotarajiwa kutembelewa, kukaguliwa, Kuzinduliwa na kuwekewa jiwe la Msingi katika Mbio za Mwenge wa Uhuru Manispaa ya Kigoma/Ujiji.

Kiongozi huyo amefanya  ziara akiambatana na Kamati ya Ulinzi na Usalama ya Wilaya, Mkurugenzi wa Manispaa ya Kigoma/Ujiji, pamoja na Wakuu wa Idara na Vitengo.

Akiwa katika ziara hiyo amewataka Wananchi kujitokeza kwa wingi September 21, katika eneo la Mapokezi  Shule ya Sekondari Buronge, Maeneo ya miradi pamoja na eneo Mkesha ambalo ni Mwanga community centre.

Mkuu huyo wa Wilaya amekagua ujenzi  wa bweni Shule ya Sekondari Buronge, Ujenzi wa Zahanati ya Rubuga, Ujenzi wa Ofisi ya Kata ya Kasimbu, Ujenzi wa barabara ya Met na kukagua Shughuli za Kikundi cha Vijana cha umoja wa mafundi Seremala Katubuka pamoja na Ujenzi wa KG One Hotel.

Mwenge wa Uhuru Manispaa ya Kigoma/Ujiji unatarajiwa kukimbizwa Septemba 21, Mwaka huu.

Zaidi bofya www.kigomaujijimc.go.tz #mwengewauhuru #mwengewauhuru2025