ELIMU JUMUISHI YAWAFIKIA WAKUU WA SHULE KIGOMA UJIJI. Education

Posted on: June 23rd, 2025

Na Mwandishi Wetu

Waratibu elimu Kata na Walimu Wakuu wa Shule za Awali na  Msingi Kata ya Mwanga kaskazini na Kusini Manispaa ya Kigoma/Ujiji wamepata mafunzo ya kuwawezesha kubainisha Wanafunzi wenye mahitaji maalumu.  

Mafunzo hayo yamefanyika Leo June 23, 2025 katika Shule ya Msingi Uhuru  yakitolewa na Timu ya ubainishaji wa Wanafunzi wenye mahitaji maalumu ngazi ya Halmashauri

 chini ya Mradi wa Shule bora  unafadhiliwa na Serikali ya Uingereza Kupitia Mfuko wa UK aid.

 Akifungua mafunzo hayo Afisa elimu maalumu Manispaa ya Kigoma/Ujiji  Ndugu. Ezekiel Mpanda amewataka washiriki wa mafunzo hayo kuzingatia ubainishaji huo kwa lengo la kuboresha suala la ufundishaji na ujifunzaji kwa usawa.

Wakibainisha Wanafunzi wenye mahitaji maalumu wamesema miongoni mwao ni pamoja na Yatima, Viziwi, Albino, wenye ulemavu wa viungo, Usonji, Changamoto za ujifunzaji, wenye Vipawa na vipaji.

Waratibu elimu Kata na Walimu Wakuu waliopata mafunzo hayo ni Kutoka Shule za Awali na Msingi ambazo ni Mwanga, Mwenge, Katubuka, Dr. Martin Luther,Muungano, Kilimahewa, Uhuru, na Shule ya Msingi Carmel.

Zaidi bofya www.kigomaujijimc.go.tz