ELIMU YA KUJIUNGA NA VIKUNDI YATOLEWA KWA VIJANA WANUFAIKA WA TASAF KIGOMA/UJIJI Social development Fund

Posted on: March 17th, 2023

Na Mwandishi Wetu

Vijana kutoka familia za wanufaika wa Mfuko wa Maendeleo ya Jamii (TASAF) Manispaa ya Kigoma/Ujiji ambao wamepata mafunzo ya fani mbalimbali  wametakiwa kujiunga pamoja katika vikundi ili kupata sifa ya kupata mikopo ya 10% kutoka Manispaa

Elimu  hiyo imetolewa Leo March 16, 2023 na Afisa Maendeleo ya Jamii Kata ya Gungu Bi. Leah Ngunyale katika chuo cha Mamlaka ya Elimu na Mafunzo ya ufundi Standi (VETA) cha Mkoani Kigoma

Mtaalamu huyo amewataka kujiunga na kufanya kazi kwa ushirikiano kwa kuunda na kuvisajiri vikundi ambapo wanachama wake watakuwa na sifa ya kukopeshwa katika mikopo isiyokuwa na riba inayotolewa na kila Halmashauri, vikundi vya vijana vikinufaika kwa asilimia nne (4%)

Taasisi ya Elimu Nchini Tanzania  ikishirikiana na Mamlaka ya Elimu na Mafunzo ya ufundi Standi (VETA) na Mfuko wa Maendeleo ya Jamii (TASAF) Wamewawezesha Vijana  kutoka familia za Wanufaika wa Mfuko wa Maendeleo ya Jamii (TASAF) Manispaa ya Kigoma/Ujiji hamsini na tatu (53) ambapo kumi na tisa (19) tayari wamehitimu mafunzo na vijana thelathini  na nne (34) wanaendelea katika fani za Upishi, Mapambo, Udereva, Computa , Ubunifu, Ushonaji na Teknolojia ya nguo