HATI MILIKI ZA ARDHI ZAIDI YA ELFU KUMI KUTOLEWA BURE KIGOMA/UJIJI. Land

Posted on: August 2nd, 2023

Na Mwandishi Wetu

Wakazi wa Manispaa ya Kigoma/Ujiji wanatarajia kunufaika na upataji wa hati miliki za ardhi zaidi ya elfu kumi (10,000)  bure  katika Mradi wa Uboreshaji Usalama wa Milki Ardhi (Land Tenure Improvement Project)

Yamesemwa hayo na mratibu wa Mradi Manispa ya Kigoma/Ujiji Ndugu.Steven Ambrose katika kipindi cha #SikuMpya kinachorushwa na  Main FM 91.7 Kigoma

Amesema mradi huo unafadhiliwa na Benki ya Dunia (WB) kwa lengo la kurasimisha ardhi na upangaji mji  ili kuwa na  makazi Salama katika Kata tisa (09) za Kibirizi, kasingirima,  Kagera, Gungu, Businde, Rubuga, Majengo, Kitongoni na Kasimbu

Amesema kwa Sasa tayari Wanawanchi wamehamasishwa na wamepata elimu kwa kufanya mikutano katika Kata zinazohusika ili kushiriki katika zoezi hilo

Afisa Ardhi kutoka Wizara ya Ardhi Nyumba na Maendeleo ya Makazi Ndugu. Martin Mwitula  amesema mradi unahusisha Halmashauri 41  na unatarajia kutekelezwa kwa mda wa miaka 5 hadi Mwaka 2027

Amesema maeneo ambayo ujenzi umejengwa kiholela Wananchi na wamiliki wa ardhi watatambuliwa na kupatiwa Leseni za Makazi

Katika mradi huo Hati Milki za Ardhi milioni moja zinatarajia kutolewa Nchini, Ujenzi na ukarabati wa ofisi za ardhi, Uboreshaji wa ofisi za Mabaraza ya Ardhi, ukarabati wa masijala za ardhi, na kuwajengea uwezo watumishi pamoja na uratibu wa masuala ya kijamii na mazingira

zaidi bofya www.kigomaujijimc.go.tz