IDADI KUBWA YA WATU YAJITOKEZA BANDA LA MANISPAA YA KIGOMA/UJIJI MAONESHO YA NANE NANE.farmers festivals

Posted on: August 6th, 2022

Na Mwandishi Wetu

Ikiwa ni siku ya sita Leo August 6, 2022 tangu maonesho ya Wakulima na Wafugaji (Nane Nane)  kuanza Kanda ya Magharibi ikihusisha Mkoa wa Tabora na Kigoma inayofanyikia katika Viwanja vya Nane nane eneo la  Ipuli Manispaa ya Tabora    

Manispaa ya Kigoma/Ujiji imeendelea kupokea idadi kubwa ya Wageni wanaofika katika banda lake kwa lengo la kununua bidhaa za  Wajasiriamali, kujifunza Teknolojia ya zao la Kisasa la Michikichi,  kilimo cha Mahindi, Kilimo cha  Nyanya, Utengenezaji wa chakula cha kuku na Ufugaji wake, Ufugaji wa Samaki na Teknolojia ya Ufugaji wa Samaki wa Mapambo majumbani

Aidha wageni wengine waliofika katika Banda hilo wamejipatia bidhaa mbalimbali kwa Wajasiriamali, Wakulima na Wafugaji kutoka Manispaa ya Kigoma/Ujiji kwa   kununua Samaki wa kutokea Mkoani Kigoma (Mgebuka), Dagaa wa Kigoma, Shuka za kufuma (Maarufu Shuka za Kigoma), Mafuta ya Mawese na Mise,  Miche ya zao la Kisasa Michikichi na kujipatia elimu  mbalimbali

Mmoja wa Wajasiriamali wa Viungo anayefanya shughuli zake Manispaa ya Kigoma/Ujiji katika Soko la Masanga ambaye pia ni Mshiriki wa Maonesho ya Wakulima na Wafugaji katika viwanja vya Nane nane  Ipuli Manispaa ya Tabora   Ndugu. Makiga Abdallah ameupongeza uongozi wa  Manispaa ya Kigoma/Ujiji kwa kuwapatia Fursa Wajasiriamali, Wakulima na Wafugaji wengi kuja katika maonesho hayo kwa lengo la kuuza na kujifunza Mambo ya biashara na teknolojia ya kilimo na Ufugaji huku akisema ujio huo umekuwa na tija kwake kwa kuuza Bidhaa zake katika maonesho hayo  

Kauli Mbiu ya Mwaka huu kwa Sikukuu ya Wakulima na Wafugaji (Nane Nane) ni "  Agenda 10/30: Kilimo ni Biashara, Shiriki kuhesabiwa kwa mipango bora ya Kilimo, Mifugo na Uvuvi".

Karibu Banda la Manispaa ya Kigoma/Ujiji viwanja vya Nane Nane Ipuli Manispaa ya Tabora ujipatie bidhaa na kujifunza Teknolojia Mbalimbali.