"JITOKEZENI KUCHANJA CHANJO YA UVIKO-19" DC KIGOMA Vaccine

Posted on: October 12th, 2022

Na Mwandishi Wetu

Mkuu wa Wilaya ya Kigoma Bi.  Ester Alexander Mahawe  amewataka Wakazi wa Wilaya ya Kigoma kuanzia umri wa miaka kumi na nane (18) na kuendelea kujitokeza kupata chanjo ya UVIKO-19 katika kampeni ya Kitaifa  ya Nyumba kwa nyumba na  vituo vya kutolea afya itakayofanyika kwa mda wa siku saba(07)

Ameyasema hayo alipohutubia Wajumbe wa  Kikao cha cha Afya Msingi ngazi ya Wilaya kilichofanyikia Leo Oktoba12, katika  Ukumbi wa Redcross  Kikihusisha Kamati ya Ulinzi na Usalama, Wakuu wa Idara na Vitengo, Waratibu wa Afya, kamati za afya za Wilaya, Viongozi wa dini, na Wazee Maarufu

Mkuu huyo wa Wilaya amesema utoaji wa chanjo ya UVIKO -19 unatarajia kuanza Oktoba 17-24 mwaka huu huku zaidi  ya asilimia themanini (80%) ya Wakazi wa Wilaya ya Kigoma tayari wamepata chanjo ya Kujikinga na Ugonjwa wa Uviko-19  

Aidha Mkuu huyo wa Wilaya amewataka Wataalamu wa Afya kuendelea kutoa elimu  kupitia Matangazo ya sauti, picha na Vyombo vya habari ili Wananchi Kushiriki kikamilifu na kuendelea kuchukua tahadhari  za Kujikinga na UVIKO-19

Amewataka Viongozi wa Dini na Wazee Maarufu kuendelea kuelimisha jamii namna ambavyo mtu aliyechanja anakuwa na nafasi kubwa ya kutoambukizwa ugonjwa huo na kuwataka kuendelea kuelimisha jamii kuepukana na dhana potofu      

Mganga Mkuu wa Manispaa ya Kigoma/Ujiji Dr. Hashimu Mvogogo  amesema zaidi ya Watu    elfu arobaini na saba ( 47, 717) wa Wilaya ya Kigoma wanatarajia kuchanja Sawa na 20% ambao hawajachanjwa huku Watu 23, 157 wakiwa wa kazi wa Manispaa ya Kigoma/Ujiji na Watu zaidi ya elfu ishirini na tatu ( 23, 157) wakiwa wakazi wa  Halmashauri ya Wilaya ya Kigoma

Ameendelea kusema zoezi hili litafanyika ambapo wahudumu wa Afya watapita nyumba kwa nyumba na katika Maeneo ya biashara  huku chanjo zingine zikipatikana katika vituo vya afya  

Chanjo ya UVIKO-19 itatolewa kwa ambao bado hawajachanja na Chanjo zitakazotolewa ni    chanjo ya Jassen, Sinopharm,  na Sonovac, ambapo tayari timu ya Watu sabini na nne (74) Manispaa ya Kigoma/Ujiji za Wachanji , Wahamasishaji na Watakwimu tayari wamepata mafunzo namna ya utoaji huduma

Zaidi endelea kutembelea www.kigomaujijimc.go.tz pamoja na mitandao yake ya kijamii