JUMA AWESO ATIMIZA AHADI YAKE MABORESHO UWANJA WA LAKE TANGANYIKA . Sports

Posted on: August 11th, 2023

Na Mwandishi Wetu

Mkuu wa Mkoa wa Kigoma Mhe.  Thobias Adengenye Jana August 10, 2023 alipokea ahadi ya Waziri wa Maji Mhe. Juma Aweso (Mb) ya maboresho na ukarabati wa uwanja wa Lake Tanganyika

Mkuu huyo wa Mkoa alipokea kiasi cha fedha Million nne (Tsh 4, 000, 000/=) na mifuko ya simenti mia mbili (200) aliyoiahidi wakati alipofanya ziara Mkoani Kigoma Mwezi Julai Mwaka huu

Mkuu huyo wa Mkoa alimshukuru Kiongozi huyo kwa naona alivyojitoa katika maboresho ya uwanja yatakayoenda sambamba na kuongezeka kwa mzunguko wa fedha na ukuaji wa Uchumi kwa #WakaziwaManispaayaKigoma/Ujiji kipindi cha #LigiKuuyaTanzaniabara   na Michezo mingine

Aidha Mkuu huyo wa Mkoa aliwataka Wadau wengine kujitokeza kuendelea kutoa michango ili uwanja kuendelea kuwa na vigezo vya Kitaifa na kimataifa  

Mara baada ya Kupokea ahadi hiyo Mkuu huyo wa Mkoa alikabidhi kwa kamati ya Maboresho ya Uwanja huo chini ya Mkuu wa Wilaya ya Kigoma Ndugu. Salum Hamis Kali na Katibu ambaye ni Mkurugenzi wa Manispaa ya Kigoma/ Ujiji Bi. Mwantum Mgonja  

Uboreshaji wa Uwanja  unaendelea katika maeneo ya uwanja wa ndani ( Pitch na uzio), Ujenzi wa Ukuta,  umwagiliaji wa eneo la michezo (Pitch), ujenzi wa urefu wa uzio,  uboreshaji wa vyumba , vyoo, Majukwaa, chumba cha huduma ya kwanza, na Ujenzi wa vivuli majukwaa ya Mashabiki