KAMATI YA FEDHA MANISPAA YA KIGOMA UJIJI ZIARANI KUKAGUA MIRADI. Project

Posted on: November 4th, 2024

Na Mwandishi Wetu

Kamati ya fedha na uongozi Manispaa ya Kigoma/Ujiji ikiongozwa na Naibu Meya Mhe. Mgeni Omari Kakolwa Leo Novemba 04, 2024 imefanya ziara ya kukagua na kutembelea miradi ya maendeleo inayoendelea kutekelezwa katika Manispaa hiyo.

Kamati hiyo imekagua ujenzi unaoendelea wa daraja la Mto Ruiche linalojengwa kupitia mradi wa TACTIC unaofadhiliwa na Benki ya Dunia (WB) ambapo wajumbe wa Kamati hiyo wamemtaka Mkandarasi kuongeza kasi ya ujenzi ili kuepusha madhara yanayoweza kutokea katika kipindi hiki cha mvua.

Miradi mingine iliyotembelewa ni Ujenzi wa Wodi ya Wazazi katika Hospitali ya Manispaa iliyopo Kata ya Kagera, Maandalizi ya upanuzi wa standi ya malori Masanga na ujenzi unaoendelea wa shedi ya kuuzia mazao ya uvuvi katika soko la Masanga.

Zaidi bofya www.kigomaujijimc.go.tz