KAMATI YA FEDHA NA UONGOZI YAKAGUA UTEKELEZAJI WA MIRADI YA MAENDELEO KIGOMA/UJIJI Vist

Posted on: November 23rd, 2022

Na Mwandishi Wetu

Kamati ya fedha na Uongozi Manispaa ya Kigoma/Ujiji Leo Novemba 23, 2022 imefanya ziara ya kukagua utekelezaji wa miradi ya maendeleo inayoendelea kutekelezwa katika Kata mbalimbali za Manispaa hiyo

Ziara hiyo imefanyika ikiongozwa na Naibu Meya wa Manispaa hiyo Mhe. Mgeni Kakolwa  ambapo miradi mbalimbali ya Elimu, Afya , Kilimo na  Biashara imetembelewa huku Viongozi hao wakitoa maagizo katika miradi ambayo haijakamilika

Katika ziara hiyo miradi iliyotembelewa ni pamoja na ujenzi wa Zahanati mpya ya Kibirizi, Ujenzi wa Zahanati ya Machinjioni kwa Mapato ya ndani,   Ujenzi wa jengo la Wagonjwa wa nje  ( OPD), Maabara na jengo la kufuria mavazi katika kituo cha afya cha Gungu kinachojengwa kwa gharama ya Tsh 300, 000, 000/= ikiwa ni fedha kutoka Serikali Kuu

Miradi mingine iliyotembelewa ni pamoja na Ujenzi wa vyumba vya madarasa kumi na Moja (11) katika Shule ya Sekondari Gungu kwa gharama ya fedha za Kitanzania Million mia mbili ishirini ( Tsh 220, 000, 000/=) , Ujenzi wa Kituo cha afya cha Buhanda kwa gharama ya fedha za Kitanzania Million (Tsh 500, 000, 000/=)  ambapo Kituo hicho kimeanza kutumika,

Aidha mradi  Kitalu cha Miche ya michikichi ya Kisasa aina ya  Tenera umetembelewa ambapo kwa sasa imezalisha miche   zaidi ya elfu ishirini na nne (24628) na inatarajiwa kugawiwa kwa Wakulima sabini na sita (76) ambao tayari wamewasilisha Maombi yao na mashamba ya wakulima thelathini na sita tayari yamekaguliwa (36)  kwa ajili ya kugawiwa miche hiyo ya kisasa