KIGOMA UJIJI YAADHIMISHA JUMA LA ELIMU YA WATU WAZIMA Adult Education

Posted on: October 6th, 2023

Na Mwandishi Wetu

Manispaa ya Kigoma/Ujiji Leo Octoba 6, 2023 imefanya maadhimisho ya juma la Elimu la Watu Wazima  lililofanyikia Shule ya Sekondari Mwananchi.

Maadhimisho hayo yamefanyika yakiongozwa na Mgeni Rasmi Afisa elimu Watu Wazima Mkoa wa Kigoma Ndugu.  Hawamu Tambwe na kuhudhuliwa na Wataalamu kutoka Taasisi ya Elimu, Ofisi ya Mkuruģenzi, Walimu, Wanafunzi na Wananchi mbalimbali.

Maadhimisho hayo yamefanyika yakiambatana na shuhuda za elimu ya jamii kutoka kwa Wanafunzi  wa elimu ya Sekondari kwa njia mbadala (SEQUIP-ASEP) Shule ya Sekondari Mwananchi.

Manispaa ya Kigoma/Ujiji   imeendelea kutoa elimu kwa Wanafunzi Watu wazima kupitia elimu ya Sekondari kwa njia Mbadala (SEQUIP-ASEP)  katika Kituo cha Shule ya Sekondari Mwananchi na katika Vituo vya MEMKWA kumi na nane (18) kwa Shule za Msingi.

Juma la Elimu Watu wazima huadhimishwa Duniani  kuanzia Septemba 01-08, Kila Mwaka na kwa Mwaka huu Kauli mbiu ni  " kukuza uwezo wa kusoma na kuandika kwa ulimwengu unaobadilika,  kujenga misingi ya Jamii endelevu na yenye Amani".