MAAFISA USTAWI WA JAMII, WAJENGEWA UWEZO NAMNA YA KUWAHUDUMIA WATEJA. Social

Posted on: July 18th, 2022

Na Mwandishi Wetu

Maafisa Ustawi wa Jamii Manispaa ya Kigoma/Ujiji wametakiwa kutumia taaluma zao na kufanya kazi kwa pamoja katika kuisaidia jamii kutokana na uwepo wa  changamoto za Magonjwa ya akili ndani ya Jamii

Aliyasema hayo Afisa Ustawi wa Jamii Mkoa wa Kigoma Ndugu. Petro Mbwanji Jana July 17, 2022 Wakati akifunga Mafunzo ya Siku tatu (03) kwa Watumishi Maafisa Ustawi wa Jamii wa Serikali na Mashirika binafsi katika Ukumbi wa Manispaa ya Kigoma/Ujiji

Alisema kwa Sasa kumekuwa na Ongezeko la Watu wenye changamoto ya afya ya akili na    Magonjwa ya Akili ndani ya jamii kama vile Msongo wa Mawazo, Wasiwasi, Kujitenga, Woga, Mauaji na Watu kujiua hali inayosababisha vifo, Magonjwa na Majanga tofauti tofauti

Aidha aliwataka maafisa Ustawi wa Jamii kufanya kazi kwa pamoja na kushirikiana na wadau mbalimbali kama vile Viongozi wa dini katika kuhakikisha kunakuwa na Jamii iliyo bora na yenye watu wenye afya njema

Mkufunzi katika Mafunzo hayo ambaye pia ni Daktari wa Magonjwa ya Akili kutoka Hospitali ya Rufaa ya Mkoa wa Kigoma (Maweni) Dr.Crensensia John   aliwataka Maafisa ustawi wa Jamii kuwabaini Watu wenye changamoto ya afya ya Akili na kuwapeleka katika vituo Maalumu vya Matibabu ikiwemo Hospitali ya Mkoa Wa Kigoma (Maweni)

Naye Mratibu wa Mafunzo hayo ambaye pia ni Afisa Ustawi wa Jamii Manispaa ya Kigoma/Ujiji Bi. Agnes Punjila alisema kumekuwa na Changamoto ya Magonjwa ya akili kwa Sasa ambayo pia yanasabibisha watu kutumia Madawa ya Kulevya, Unywaji Pombe Kupindukia, kuingia katika Kamali na kusema wako tayari kufanya kazi kama timu huku akiahidi kutoa taarifa kila robo juu ya Watu wanaohudumiwa wa changamoto za Afya ya akili na msaada wa Kisaikolojia  

Miongoni mwa mada zilizowasilishwa katika Mafunzo hayo ni namna ya kuhudumia jamii katika Misaada ya Kisaikolojia, Changamoto za Kisaikolojia na Magonjwa ya Kisaikolojia