MAANDALIZI YA MWISHO MBIO ZA MWENGE WA UHURU 2022 MANISPAA YA KIGOMA/UJIJI National Touch

Posted on: September 19th, 2022

Na Mwandishi Wetu

Kamati ya Ulinzi na Usalama Mkoa wa Kigoma ikiongozwa na  Mkuu wa Mkoa huo Ndugu. Thobias Adenyenye Jana Septemba 18, ilifanya ziara ya kukagua miradi inayotarajia kutembelewa, Kuzinduliwa na  kuwekewa mawe ya Msingi na Wakimbiza  Mwenge wa Uhuru kwa mwaka 2022 katika Wilaya ya Kigoma

Katika ziara hiyo Mkuu wa Mkoa alimtaka Mkuu wa Wilaya hiyo Bi. Ester alexander Mahawe kuendelea kusimamia umaliziaji wa miundombinu ambayo bado ipo hatua ya mwisho  kabla ya tarehe  22 Mwezi huu

Aidha aliwataka Wataalamu na wasimamizi wa miradi   kuhakikisha nyaraka zote Mhimu zinakuwepo kwa kila mradi  utakaotembelewa, kukaguliwa au kuzinduliwa na viongozi wa Mwenge  wa uhuru kwa mwaka huu

Miradi iliyotembelewa na Kamati ya Ulinzi na Usalama Mkoa Manispaa ya Kigoma/Ujiji ni pamoja ujenzi wa Mtandao wa mradi wa maji uliogharimu kiasi cha Tsh 500,000,000/= , Ujenzi wa Kituo cha Afya Buhanda unaoendelea kwa gharama ya Tsh 500,000,000/=, Ujenzi wa Ofisi ya Kata ya Rubuga unaoendelea kwa gharama ya Tsh 47,000,000/=

Miradi mingine ni Ujenzi wa barabara ya Mabatini na  Muungano B mita 800  kwa kiwango cha lami kwa gharama ya Tsh 535,000,000/= ,  na ujenzi wa madarasa  Manne (04) Shule ya Sekondari Buteko kwa gharama ya Tsh 80, 000, 000/=

Mwenge wa uhuru Mkoani Kigoma Unatarajia kupokelewa  Septemba 28, Mwaka huu ukitokea Mkoani Katavi,  Ambapo Manispaa ya Kigoma/Ujiji inàtarajia kuwa Septemba 30, 2022   Kauli mbiu ya Mwenge wa Uhuru  Mwaka huu ikiwa ni " Sensa ni Msingi wa Mipango ya Maendeleo, Shiriki Kuhesabiwa Tuyafikie Maendeleo"