MADIWANI KIGOMA UJIJI KUTEMBELEA BARABARA ZINAZOHUDUMIWA NA TARURA Roads

Posted on: March 5th, 2024

Na Mwandishi Wetu

Baraza la Madiwani Manispaa ya Kigoma Ujiji Leo March 05, 2024 limeazimia kufanya ziara katika miradi ya Ujenzi wa barabara inayotekelezwa na Wakala wa barabara za Vijijini na Mijini (TARURA).

Azimio hilo limetolewa mara baada ya Mhandisi  wa TARURA Wilaya ya Kigoma kuwasilisha taarifa za utendaji kazi na Madiwani kuijadili.

Awali akiwasilisha taarifa Mhandisi kutoka TARURA Eng. Jumanne Kamuangile Amesema Wakala wa barabara za Vijijini na Mijini (TARURA) inahudumia barabara Manispaa ya Kigoma/Ujiji zenye Jumla ya Km 336.51

Amesema kwa Sasa Halmashauri ya Manispaa ya Kigoma/Ujiji imeanza kutekeleza uboreshaji wa miundombinu ya barabara, Ujenzi wa Mifereji na Ujenzi wa daraja Mto Luiche kupitia mradi wa TACTIC unaofadhiliwa na Benki ya Dunia.

Amesema Mtandao wa barabara za lami Manispaa ya Kigoma/Ujiji umeongezeka kutoka Km 39.48 hadi Km 50.94 huku akiainisha changamoto ya  uharibifu  wa Miundombinu kupitia mvua zinazendelea kunyesha, utupaji taka kwenye mifereji,  kushusha vifaa vya ujenzi kama mawe, kokoto,  mchanga na matofali barabarani.

Wakichangia katika Mkutano huo Waheshimiwa Madiwani wamesema kutokana na uhalibifu wa Miundombinu na changamoto za barabara kwa Wananchi  wa Manispaa hiyo Wanatarajia kufanya ziara kwa kushirikiana na TARURA kwa lengo la kuona malalamiko ya Wananchi na utatuzi wake.

Bofya www.kigomaujijimc.go.tz