MAKAMU WA RAIS ASISITIZA NISHATI SAFI NA MALEZI YA WATOTO. Women's day

Posted on: March 3rd, 2025

Na Mwandishi Wetu

Makamu wa Rais wa Jamhuri ya Muungano wa Tanzania Dr. Philip Isdor Mpango amesisitiza suala la matumizi ya nishati safi na  utunzaji mazingira kwa Wananchi.

Ameyasema hayo Leo March 03, 2025 alipokuwa akifungua kongamano la maadhimisho ya Siku ya Wanawake Duniani Kanda ya Magharibi  yaliyofanyikia Ukumbi wa NNSF Manispaa ya Kigoma/Ujiji.

Amesema Serikali inatekeleza mkakati wa matumizi ya  nishati safi ikiwa na lengo asilimia  80 ya Wananchi wanatumia nishati safi ya kupikia kwa kutenga fedha kwa ajili ya kupunguza gharama ya upatikanaji.

Katika hotuba yake amewataka Wanawake  licha ya shughuli za kiuchumi wanazozifanya kuhakikisha wanatoa malezi ya Watoto.

Ameitaka jamii kuendelea kuepuka na kupinga vitendo vya ukatili kwa Wanawake na Watoto ikiwemo kuwanyimahaki ya urithi na umiliki wa ardhi.

Aidha amewataka kushiriki katika  Uchaguzi Mkuu unatarajiwa kufanyika Nchini kwa kujitokeza kugombea nafasi za Uongozi mbalimbali na kupiga Kura.

Mkuu wa Mkoa wa Kigoma Thobias Adengenye ameishikuru Serikali ya Awamu ya Sita kwa kuunganisha Mkoa wa Kigoma katika matumizi ya umeme wa Gridi ya Taifa, Ujenzi wa vituo vya kupoza umeme na taasisi binafsi kuwekeza katika matumizi ya umeme jua.

Zaidi bofya www.kigomaujijimc.go.tz