Manispaa Kigoma Ujiji yaanza utekelezaji wa Miradi ya Maji

Posted on: March 23rd, 2017

Halmashauri ya Manispaa ya Kigoma Ujiji yaanza utekelezaji wa Miradi ya Maji Halmashauri ya Manispaa ya Kigoma Ujiji bado inaendelea kutekeleza Programu ya Maji na Usafi wa Mazingira Vijijini kwa kuangalia maeneo ambayo Mamlaka ya Maji Kigoma Ujiji haijafikisha huduma zake. Maeneo hayo ni Bangwe, Kamara, Katonga, Rutale, Kibirizi, Buronge, Bushabani, Buhanda, Mwasenga, Businde, Kagera na Mgumile. Maeneo haya yote yalishafanyiwa usanifu kwa ajili ya ujenzi wa miradi ya kusambaza huduma ya maji chini ya Programu ya Maji na Usafi wa Mazingira Vijijini.

Hata hivyo, Mamlaka ya Maji ilipata ufadhili wa KfW kwa ajili ya mradi wa kupanua na kuboresha miundombinu ya maji katika mji wa Kigoma Ujiji na hivyo baadhi ya maeneo yaliyofanyiwa usanifu chini Programu ya Maji na Usafi wa Mazingira Vijijini yalikabidhiwa KUWASA ili yaweze kuunganishwa katika mtandao wa KUWASA. Kwa sasa Halmashauri imebakiwa na Mtaa mmoja tu wa Mgumile ambao KUWASA hawatafikisha huduma zao.