MBUNGE KIGOMA MJINI ATOA MAJIKO BAINIFU 400 KWA MAMA LISHE KIGOMA UJIJI.

Posted on: March 6th, 2025

Na Mwandishi Wetu

Mbunge wa Jimbo la Kigoma Mjini Mhe. Ngenda Kilumbe Shabani  ametoa  Majiko sanifu 400 kwa Wanawake wa Manispaa ya Kigoma/Ujiji  kwa lengo la kuwezesha jamii katika matumizi ya nishati safi na salama  ya kupikia na utunzaji wa Mazingira.

Kiongozi huyo ametoa majiko Leo March 06, 2024 kwa Wanawake Mama lishe na Walengwa wa TASAF ikiwa ni Wiki ya maadhimisho ya Siku ya Wanawake Duniani.

Akikabidhi majiko hayo amewataka Wanawake  kuendelea kuunga juhudi Serikali ya Awamu ya Sita na  Maendeleo ya yanayotekelezwa katika  Manispaa kwa mapato ya ndani na fedha kutoka Serikali Kuu.

Amesema Serikali imeendelea kuboresha utoaji huduma na miundombinu katika Hospitali ya Rufaa ya Maweni, Ujenzi na kuanza kutoa huduma katika Hospitali ya Manispaa iliyopo Kata ya Kagera, Ujenzi wa Shule, Zahanati, vituo vya afya na upatikanaji wa huduma ya maji katika Kata mbalimbali.

Amewataka kuendelea kutumia majiko bainifu ili kupunguza uchafuzi wa Mazingira na kuwa chachu kwa wengine katika kutumia nishati safi ya kupikia na kuzingatia suala la malezi ya familia na kupinga vitendo vya Ukatili kwa Wanawake na Watoto.

 Mkurugenzi wa Manispaa ya Kigoma/Ujiji Ndugu. Kisena Mabuba amepongeza Mbunge wa Kigoma Mjini kwa jitihada za miradi ya maendeleo huku akiahidi kuendelea kusimamia ili iwanufaishe Wananchi.

Zaidi bofya www.kigomaujijimc.go.tz