MEYA KIGOMA UJIJI AKAGUA MIRADI YA MAENDELEO Development project

Posted on: September 4th, 2024

Na Mwandishi Wetu

Kamati ya fedha na Uongozi Manispaa ya Kigoma/Ujiji ikiongozwa na Mwenyekiti wake ambaye ni Meya wa Manispaa Mhe. Baraka Naibuha Lupoli Jana Septemba 03, 2024 ilifanya ziara ya kukagua baadhi ya miradi ya Maendeleo.

Kamati hiyo ilitembelea na kukagua  utoaji wa huduma za Matibabu kwa Wananchi Hospitali ya Manispaa, Ukaguzi wa ujenzi wa vyumba vya Madarasa Vitatu (03) Shule ya Sekondari Kigoma/Ujiji, na kukagua Wodi ya Wazazi kituo cha afya cha Buhanda kinachotarajia kutoa huduma za Upasuaji hivi karibuni.

Aidha kamati hiyo ilitembelea na kukagua ujenzi unaoendelea unaofadhiliwa na Benki ya Dunia (WB) kupitia mradi wa TACTICS ambayo ni Ujenzi wa barabara  ya Wafipa-Kagera yenye urefu wa Km 2.434, Ujenzi wa daraja la Mto Luiche  na barabara ya Bangwe - Burega-Ujiji yenye urefu wa Km 7.01.