MIAKA 61 YA UHURU WA TANZANIA BARA, MAZOEZI YA VIUNGO NA UCHANGIAJI DAMU KIGOMA/UJIJI. Indepently

Posted on: December 7th, 2022

Na Mwandishi Wetu

Wananchi na wakazi wa Manispaa ya Kigoma/Ujiji Leo Desemba 7, 2022 wameshiriki mazoezi ya viungo vya mwili katika kuendelea kuadhimisha Wiki ya Sherehe  ya Miaka sitini na Moja (61) tangu Tanzania bara awali ikiitwa Tanganyika ilipojipatia Uhuru wake Desemba 9, 1961

Mazoezi hayo yamefanyika mapema Asubuhi  yakianzia Stesheni ya Kigoma hadi Uwanja wa Mwanga Community Centre yakiongozwa na Kaimu Katibu tawala Wilaya ya Kigoma Ndugu. Maximillian Cyrillo huku zoezi la uchangiaji damu likifanyika katika uwanja huo  

Kiongozi huyo amewapongeza Wananchi hao waliojitokeza kushiriki mazoezi hayo ikiwa ni njia ya uimarishaji na ukuzaji Kinga ya mwili na kuwapongeza namna walivyoshiriki kuchangia damu kwa lengo la kuokoa maisha ya watu

Tanzania bara awali ikiitwa Tanganyika kwa sasa  inafahamika kwa jina la Tanzania kutokana na Muungano wake na Zanzibar mwaka 1964 na Kauli mbiu ya Mwaka huu ni "  Miaka 61 ya Uhuru, Amani na Umoja ni nguzo ya Maendeleo yetu ".